FUN CUP 25HOURS OF SPA
外國比賽真係好有氣氛，開賽前115部車排好喺Track度比大家影相，今場比賽一共114部超過500個車手，非常熱鬧！
一開賽就開始落雨啦，全場有多個FCY，個Track非常跣！大家都非常小心！
Smart第一棒為隊友們爭取到快4個圈既時間，最前排名上到全場13！
呢個Track夜晚真係黑忟忟，好刺激架！25小時係前後左右都有車，冇悶場！
亞聰嗰棒咁啱放煙花，好彩佢冇掛住睇煙花，唔係就會好危險
有多年賽車經驗嘅謝公子氣定神閑上車，時間仲做得幾好添！
我哋幾個隊友都有發生小意外，車隊用最快時間搶修返部車比我哋繼續比賽！
揸左大概11 個鐘左右，即係零晨時間5:00左右，部車就比濕滑嘅司機諾少搞掂左啦
呢個旅程大家又上咗寶貴嘅一課，呢場比賽真係練習到好多格鬥嘅技能同埋水地作戰。
大家對今場比賽有好高期望，耐力賽真係乜嘢都有可能發生、飛出沙池、跣呔、碰撞、黑忟忟⋯⋯
可惜最終未能順利完成，大家返去繼續跑數啦！呢個Track我哋仲未打爆機，車手們仍需努力，FUN CUP25HRS明年再見
